Yüksək Texnologiyalar Parkı iqtisadiyyatın inkişafına təkan vermək üçün yaradılıb. Həmçinin yeni texnologiya və innovasiyaların inkişafı üçün elmi- tədqiqat mərkəzlərinin lazımi infrastrukturla təmin edilməsini nəzərdə tutur.

YTP xarici təcrübəyə əsaslanan bir layihədir və Yüksək Texnologiyalar Parkının tikintisi üçün Pirallahı adasında 50 hektar torpaq sahəsi ayrılıb.

Layihənin rəhbərliyi Bakı şəhərinin mərkəzindəki ofisində həm də “Pi Campus” yaradıb ki, ərizə təqdim edərək seçilmiş startaplar burada yaradılmış imkanlardan bəhrələnərək işləyə bilsinlər. Startap layihələri YTP-yə çevik onlayn forma vasitəsilə təqdim olunur. Hər ay yeni seçilmiş startap layihələri özlərini təqdim etmək üçün YTP-yə dəvət olunur.

Startaplar vaxtaşırı YTP-yə öz ümumi hesabatlarını təqdim edirlər. Bu yolla hansı startapların YTP-də fəaliyyətini davam etdirəcəyi müəyyən olunur. Bu, ilk növbədə onunla bağlıdır ki, YTP məhz səmərəli işləyən, qısa müddətdə gözlənilən nəticəni göstərə bilən startapların yaradılmış şəraitdən bəhrələnməsinə çalışır. Vaxtı və yeri səmərəli istifadə etməyənlər isə Pi Campusu tərk etməli olurlar. Onların bir hissəsi başqa mərkəzlərə göndərilir.

YTP-ə ərizə verərək seçilmiş startapların çalışdığı məkandır. Burada

startapların öz layihələrini inkişaf etdirə bilmələri üçün şərait yaradılmışdır. Startapçılar kiçik bir məbləğ ödəməklə avadanlıq, sürətli internet və lazım olan kompüter proqramları ilə təchiz olunmuş iş yerləri əldə etmiş olurlar. Bundan başqa YTP startaplara bacarıqların inkişafı sahəsində yardımçı olmağa çalışır. Bu inkubasiya mərkəzində işləyən startapların böyüdükcə iri firmalara çevrilərək Pirallahı adasına köçürülməsi düşünülür.

Ümumiyyətlə, yüksək texnologiyalar sahəsində çalışan şirkətlərin bir- birinə yaxın, eyni məkanda işləyə bilməsi, eyni zamanda dövlət güzəştlərindən faydalana bilməsini nəzərdə tutur.

Dövlət güzəştlərinə yeddi ilə qədər gətirilən avadanlıqlar üçün ƏDV-dən azadolma, illik mənfəət, torpaq və əmlak vergilərindən azad olma da daxildir. Bu isə o deməkdir ki, bu ərazidə yerləşmiş şirkətlərə verilmiş iş və yaşayış yerləri onlar üçün daha ucuz başa gələcək.