“Snapchat” messencerinin auditoriyası şəxsi şounun istifadəyə verilməsi və “Android” üçün proqramın yenilənməsi nəticəsində artmağa başlayıb. Bu haqda “Röyters” informasiya agentliyi məlumat verib.
2019-cu il martın sonuna olan məlumata görə, 190 milyon istifadəçi gün ərzində ən azı bir dəfə “Snapchat” messencerinə daxil olur. 3 ay bundan əvvəl bu göstərici 186 milyon olub. Lakin 2018-ci ilin birinci rübündə sözügedən messencerin auditoriyası 191 milyona bərabər idi.
2019-cu ilin yanvar-mart aylarının nəticəsinə görə, “Snapchat” xidmətinə malik “Snap” şirkəti 320,4 milyon dollar məbləğində gəlir qazanıb ki, bu da ötən illə müqayisədə 39% daha çoxdur.