İstifadəçi xəbərləri platforması “Reddit”in baş direktoru Steve Hoffman “TikTok”u “cəsus proqram” adlandırıb və deyib ki, onu heç vaxt öz telefonuna yükləmək fikri də yoxdur.
Bu barədə Hoffman Silikon Vadisindən olan sahibkarlarla görüşündə bildirib. O, “TikTok”u həm də “parazit” tətbiq adlandırıb.
“Mən bu tətbiqi parazit hesab edirəm. O, istifadəçiləri dinləyir,onun barmaq izi texnologiyası isə əsl dəhşətdir. Mən telefonumda belə bir tətbiqin olmasına yol verə bilmərəm. İnsanları da bu cəsus proqramını yükləməməyə çağırıram”.
Qeyd edək ki, TikTok ən populyar tətbiqlər sırasında Facebook və İnstagramdan sonra üçüncü yerdə gəlir.