Azure satışları aşağı templə də olsa davam edir.
Microsoft, 2018-2019 maliyyə ilinin 30 iyunda başa çatan dördüncü rübü üzrə hesabatı dərc edib.
2019-cu ilin aprel-iyun ayları üzrə xalis gəlir 12% artaraq 33,7 milyard dollar olub. Microsoft-da doqquz rübdür ki, ardıcıl olaraq ikiqat artım müşahidə edilir. Bu barədə CNBC FactSet-in məlumatlarına istinadən xəbər verir.
Xalis gəlir 49% artıb və 13,19 milyard dollar və ya hər səhmə görə 1,71 dollar olub. Artım analitiklərin proqnozundan artıq olub.
Azure bulud platformasından əldə edilən gəlir 64% artıb, bu, dörd il ərzində ən aşağı göstəricidir, CNBC qeyd edir. Microsoft-un tam satış rəqəmləri göstərilmir.
Canalys araşdırma firmasının dəyərləndirməsinə görə, Azure, bulud hesablaması bazarının 14,6%-ni təşkil edir və bununla da yalnız Amazon Web Services-dən geri qalır. Onun payı 32,8%-dir.
Azure Windows Server, Visual Studio və GitHub-la birlikdə Intelligent Cloud xəttinə daxildir. O, şirkətə rüb üzrə 11,4 milyard dollar gətirib. Bir ilə isə gəlir 38,9 milyard dollar olub.
Office 365 ofis paketinin və LinkedIn-in daxil olduğu Productivity and Business Processes xəttinin rüblük gəliri 14 % artaraq 11,05 milyard dollar olub. İlin yekununa görə bu seqment Microsoft-a 41,2 milyard dollar qazandırıb.
Windows, Xbox və Surface-in satışları 4% artıb və bir rüb üzrə 11,3 milyard dollar olub. İllik göstərici isə 45,7 milyard dollardır. Oyun bölməsinin gəliri keçən ilin eyni dövrü ilə müqayisədə 10% düşüb.
Maliyyə ilinin yekununa görə Microsoft-un gəliri 14% artıb və 125,8 milyard dollar olub. Xalis gəlir 137% artıb və 39,2 milyard təşkil edir.