“Mazda” şirkəti Tokyo Motor Show-2019-da özünün ilk tam elektrik MX-30 avtomobil modelini təqdim edib. Onun arxa qapıları hərəkət istiqamətinin əksinə açılır: ön qapılar 82 dərəcə, arxa qapılar isə 80 dərəcə açılır.
MX-30 35,5 kVt gücə malik litium-ion mühərriki ilə çalışır. O, 30-40 dəqiqə ərzində 80 % enerji yığır, güc ehtiyatı isə 200 km.-ə kimidir.
Salonu balsa ağacından hazırlanmış panellərlə bəzədilib və əlavə olaraq, iqlim-tənzimləyici üçün sensor ekran da yerləşdirilib.
MX-30-da təhlükəsizlik sistemi var və maşın nəyəsə toqquşanda sürəti dayandırır. Batareyası bərk bir çərçivədə yerləşdirilib, istiliyə davamlı örtüyə malikdir və soyuducu sistemi var.
Qeyd edək ki, yeni model 2020-ci ilin ikinci yarısında Yaponiyada satışa çıxarılacaq. ABŞ-da və Avropada da satılacaq, amma dəqiq tarix və qiymət məlum deyil.