Hindistandan olan bir qrup tərtibatçı xüsusi bir proqram layihəsinə imza atıb. Belə ki, onun köməyi ilə artıq dünyasını dəyişmiş qohumlarla ünsiyyət qurmaq mümkün olacaq. Məhsul süni zəkanın əsasında hazırlanıb. Kompyuter ölmüş şəxsin 3-ölçülü rəqəmsal avatar-surətini yaradır.
Alət, ölən qohumun danışıq tərzi və xüsusiyyətlərini tam şəkildə təqlid etmək qabiliyytinə malikdir. Bundan başqa, kompyuter tərəfindən yaradılan avatar danışa da bilir.
Bu məqsədlə şəxs haqqında olan məlumatların toplanması və təhlili aparılır. Bu bazaya sosial şəbəkələrdən yazılar da daxildir.
Bu ünsiyyət sosial şəbəkənin xüsusi versiyasında yazışma vasitəsilə baş tutacaq.
Hind alimləri, gələcəkdə belə bir proqramı insan-robota da tətbiq edə biləcəklərinə ümid edirlər. Tərtibatçılar etik nöqteyi-nəzərdən yarana biləcək iddiaları nəzərə alıblar və buna görə də vəziyyəti gözə alaraq bildirirlər ki, bu proqramlarını yalnız bir məqsədlə yaradıblar – insanların kədərinə şərik olmaq.