Dövlət Neft Fondu 01 yanvar 2019-cu il tarixinə Azəri- Çıraq-Günəşli və Şahdəniz üzrə gəlirlərini açıqlayıb.
Fonddan “Bizplus.az -a”ya daxil olmuş məlumata görə, 01.01.2019 tarixinə AÇG yatağı üzrə əldə olunan ümumi gəlirlər (2001-ci ildən etibarən) 138 milyard 206 milyon ABŞ dollarına çatıb.
Ötən il AÇG yatağından 9 milyard 720 milyon ABŞ dolları gəlir əldə edilib. O cümlədən, Şahdəniz yatağı üzrə kondensatın satışından əldə olunan gəlirlər 245 milyon ABŞ dolları təşkil edib.
2007-ci ildən etibarən Şahdəniz yatağı üzrə qazın satışından əldə olunan ümumi gəlirlər 2 milyard 506 milyon ABŞ dollarına çatıb.