Avropa Birliyi ölkələrinin maliyyə nazirləri Avropa Birliyi ərazisində əsasən Facebook Librası olmaqla steyblkoinlərin istifadəsinə qarşı çıxıblar. Bu barədə “Reuters” xəbər verir.
Eyni zamanda avropalı tənzimləyicilər kriptoaktivlər və steyblkoinlərin tənzimlənməsi üçün qaydaların yaradılması imkanını da öyrənirlər.
Nazirlər Avropa Mərkəzi Bankının şəxsi rəqəmsal valyuta yaratmaq planını da dəstəkləyiblər. O, özəl kriptoaktivlərə alternativ kimi nəzərdə tutulub.
Qeyd edək ki, Fransanın maliyyə naziri bildirmişdi ki, Avropa ərazisində Facebook Librasına dövlətlərin monetar suverenitetinə təhlükə yaratdığı üçün qadağa qoyulacaq.