Bloomberg-in Crypto Fund Research-a istinadən verdiyi məlumata görə, bu ildə kriptosənayeyə xidmət edən təxminən 70 fondun fəaliyyəti dayanıb. Bu sənayedə maraqlı ola biləcək yeni fondların da sayı 2018-ci illə müqayisədə iki dəfə az olub.
Mətbuat qeyd edir ki, bunun əsas səbəblərindən biri bitkoinin və digər kriptovalyutaların kursunda olan və institusional səhmdarları qorxuda biləcək dəyişmələrdir.
İlin əvvəlindən bitkoinin kursu iki dəfə artsa da hələ də iyun ayında müşahidə edilən pik göstəricidən 40% aşağı hesab olunur. Belə olan halda isə bir çox səhmdarlar qərar verməkdə çətinlik çəkirlər.
Digər bir səbəb: bu sahəyə aid tənzimləyici təşəbbüslər: hökumətlər fırıldaqçılığa və Facebook kimi şirkətlərin hakimiyyəti qəsb etməsinə imkan vermək istəmirlər.
2019-cu ildə bağlanmış fondların çoxu Avropanın və Şimali Afrikanın payına düşür.