“Apple” yeni Powerbeats 4 qulaqlıqlarının buraxılışına hazırlaşır. Onların dizaynı Powerbeats Pro ilə eynidir.
Powerbeats 4 Siri dəstəkli Apple H1 çipi ilə təchiz olunub. Üzərindəki Beats loqotipi düymə funksiyasını daşıyır. Onun köməyilə mahnıları işə salmaq, dayandırmaq və ötürmək mümkündür. Düyməni sıxıb saxladıqda isə səsli köməkçi aktiv olur.
Yenilik tam enerji ilə 15 saat işləyə biləcək və bu, əvvəlki modellə müqayisədə 3 saat artıq deməkdir. Lightning portu enerji yığımını təmin edəcək. Apple şirkəti yaxın günlərdə Powerbeats 4 qulaqlıqlarının anonsunu edəcək.
