JTI (Japan Tobacco International) şirkəti işçilər üçün yaratdığı mükəmməl şəraitə görə yenidən Azərbaycanda, Avropada, Asiya-Sakit Okean bölgəsində və qlobal olaraq 2020-ci ilin «Ən yaxşı işəgötürən» şirkəti seçilib.
JTI 2014-cü ildən bəri 7 ildir ki, dalbadal “Ən yaxşı işəgötürən” seçilir.
“Ən yaxşı işəgötürən” necə müəyyən edilir?
Bu adı qazanmaq üçün şirkət insan resursları üzrə müstəqil attestasiya şirkəti olan Ən Yaxşı İşəgötürənlər İnstitutu (Top Employers Institute) tərəfindən müəyyən edilmiş minimum standartlara cavab verməlidir. Şirkətlər insan resursları sahəsində ən yaxşı praktikalara dair ətraflı sorğu vasitəsilə qiymətləndirilir. 100 sualdan ibarət sorğuda şirkətin istedadların yetişdirilməsi strategiyası, işçi qüvvəsinin planlaşdırılması, istedadların əldə edilməsi, yeni işçilərin adaptasiyası, öyrənmə və inkişaf, fəaliyyətin idarə olunması, liderliyin inkişafı, karyera və ardıcıllığın idarə edilməsi, kompensasiya və müavinətlər və mədəniyyət kimi sahələr ətraflı şəkildə dəyərləndirilir.
Ən Yaxşı İşəgötürənlər İnstitutunun Qlobal Attestasiya Proqramı çərçivəsində beş qitədə yerləşən 119 ölkədə və bölgədə 1600-dən çox ən yaxşı işəgötürən şirkət müəyyən edilmişdir.
JTI Qafqaz və Belarusun Baş meneceri Konstantin Fyodorov bu münasibətlə belə demişdir: “Ən yaxşı işəgötürən kimi nüfuzlu mükafat müəyyən etdiyimiz yüksək normaları və işçilər üçün müstəsna iş şəraiti yaratmaq məqsədimizi təsdiq edir. Biz işçilərin seçimi olmaq üçün davamlı təkmilləşmə və innovasiyaya can atırıq, lakin ən əhəmiyyətlisi odur ki, JTI şirkətini onun işçiləri ən yaxşı işəgötürənə çevirir”.
Qeyd edək ki, JTI 130-dan çox ölkədə fəaliyyət göstərən aparıcı beynəlxalq tütün və elektron siqaret məhsulları istehsalçısıdır. Şirkət Winston və Camel kimi brendlərin ABŞ-dan kənarda sahibidir. Digər brendlərə Sobranie, Mevius və LD daxildir. JTI beynəlxalq elektron siqaret bazarında da Logic və tütün buxar məhsulu Ploom brendləri ilə aparıcı şirkətdir. Mənzil-qərargahı Cenevrədə yerləşən şirkətdə 45,000 əməkdaş çalışır. Azərbaycanda JTI şirkətinin 70 əməkdaşı var. JTI Japan Tobacco Şirkətlər Qrupuna daxildir.