“Facebook” pandemiyadan ziyan çəkən müəssisələrə 100 mln. dollar həcmində qrant verəcək. Pullar “Facebook”un fəaliyyət göstərdiyi 30 ölkədəki 30 min şirkətə paylanacaq.
Bu barədə CNBC xəbər verir.
“Biznesinizin koronavirusa görə nələr yaşadığını bilirik və inanırıq ki, hətta az məbləğdə maliyyə dəstəyi belə sizə sonrakı mübarizədə də kömək olacaq. Belə bir ağır vaxtda kiçik biznesə dəstək olmaq üçün 100 mln. dollar həcmində pul yardımı təklif edirik” – anonsda deyilir.
Qeyd edək ki, bir şirkətə düşən qrantın təxmini məbləği 3,333 dollardır.
Pulları əməliyyat xərclərinin, icarənin ödənilməsinə və “Facebook”da reklam yerləşdirməyə xərcləmək olacaq. Şirkətlərin müraciətləri yaxın həftələrdə qəbul olunacaq.