Libra kriptovalyutası amerikan tənzimləyicilərinin təsdiqi olmadan buraxılmayacaq. Bu barədə Mark Zuckerberg xəbər verib.
“Libra ideyası ondan ibarətdir ki, pul göndərilməsi mətn ismarıclarının göndərilməsi qədər sadə və təhlükəsiz olmalıdır. Libra əsas ödəmə sistemi olacaq, pul ehtiyatı və digər yüksək likvid aktivlərlə tam təmin olunacaq. Mən belə hesab edirəm ki, o yaradılmalıdır,amma başa düşürəm ki, biz indi bunun üçün ideal messencer deyilik. Çünki, son bir neçə ildə biz çoxlu problemlə üzləşmişik və mən əminəm ki, insanlar bunu kimin olsa həyata keçirməyini istəyərdilər, yetər ki, bu, Facebook olmasın” – deyə, Zuckerberg bildirib.
Onun sözlərinə görə, tənzimləyicilər, hökumət nümayəndələri və ictimai ekspertlərlə müzakirələr aparılacaq.
Zuckerberg qətiyyətlə bildirib ki, amerikan tənzimləyicilərinin təsdiqi olmadan Facebook dünyanın heç bir yerində Libra ödəmə sisteminin buraxılmasının tərkib hissəsi olmayacaq. O həmçinin qeyd edib ki, Libra-nın gələn ilin iyununa nəzərdə tutulan buraxılışının gecikməsini dəstəkləyir.