Yunanıstan yeni vergi güzəştləri tətbiq edəcək. Bu yolla o, zəngin səhmdarlar cəlb etmək fikrindədir. Güzəştlərə gəlir vergisinin azaldılması, dividendlərə qoyulan verginin iki dəfə azaldılması və xarici gəlirlərə vahid verginin tətbiq edilməsi daxildir.
Bunun zəngin əcnəbilərin ölkəyə axınına və nəticədə ölkə iqtisadiyyatında səhmlərin artımına yol açacağı gözlənilir.
Əsas olaraq, korporativ verginin 28%-dən 24%-ə endirilməsi nəzərdə tutulub. Dividendlərdən gələn gəlirə qoyulan verginin 10%-dən 5%-ə qədər azaldılması gözlənilir. Bundan başqa, hökumət Yunanıstanın vergi rezidenti olmq istəyən səhmdarlar üçün xüsusi poqram istifadəyə verməyi təklif edir. Onlar xarici gəlirlərə illik 100 000 avro məbləğində vahid vergi ödəyəcəklər. Ailənin hər bir üzvü üçün əlavə ödəniş 20 000 avro olacaq.
Proqram iştirakçıları həm də Yunanıstan hüdudlarından kənardakı aktivlərə varislik vergisindən də azad olunacaqlar.
Qeyd edək ki, güzəştlər əldə etmək üçün müəyyən şərtlər də mövcuddur: ən azı 183 gün ölkədə olmaq, ilk üç ili yunan iqtisadiyyatına vergi rezidenti kimi 500 000 avro yatırım etmək (daşınmaz əmlaka, səhmlərə və istiqrazlara). Yatırım həcmi 1,5 mln. avroya çatsa xarici gəlirlərə qoyulan vahid vergi iki dəfə azaldılacaq, 3 mln. avro-ya çatdıqda isə vergi 25 000 avro olacaq. Güzəştlər 15 il ərzində hökumətin dəyişməsindən belə asılı olmayaraq qüvvədə olacaq.
Yeni düzəlişlər noyabr-ın sonunda səsverməyə çıxarılacaq.