Yeni Xiaomi flaqman smartfonu Mi 10 13 fevralda çin auditoriyasına onlayn şəkildə, ayın 23-ü isə Barselonada keçiriləcək Ümumdünya mobil konqresində dünyaya təqdim olunacaq. Bu barədə Weibo sosial şəbəkəsi məlumat verib.
Şirkət sosial şəbəkədə yeni smartfonun dizaynını da yayımlayıb. O, Mi Note 10-u xatırladır: əyri kənarlı ekran, şaquli istiqamətdə çıxıntılı üç və ayrıca bir arxa kamerası var. Ön kamerası isə sol yuxarı kənarda ekranda yerləşdirilib.
Mi 10 ən son Qualcomm Snapdragon 865 prosessoru ilə təchiz edilib və 5G şəbəkəsini dəstəkləyir.