Bu fürsətdən istifadə edərək şirkətin səhmdarları səhmlərini satmağa başladılar.
Xiaomi üç gün ərzində bazar kapitallaşmasının $6,2 milyard itirib. Bu, Bloomberg-in diqqətini çəkib.
10 yanvar 2019-cu ildə Hong Kong Birjasının bağlanması zamanı şirkətin səhmlərinin dəyəri təxminən 3,6% azalıb. Üç gün ərzində onların dəyəri təxminən 17% aşağı düşmüşdür. Bu Goldman Sachs Group və China International Capital da daxil olmaqla, analitiklərin qiymətləndirmələrinin səbəbiylə baş verib.
Bundan əlavə, yanvarın 9-da, Xiaomi şirkəti 2018-ci ilin iyul ayında birjaya daxil edildikdən sonra altı aylıq tıxanma səbəbindən satıla bilməyən təxminən 3 milyard səhm buraxıb.
Bloomberg qeyd edir ki, 2010-cu ildə başlanan maliyyələşdirmə raundu çərçivəsində, investorlar təxminən iki Hong Kong dolları dəyərində olan təxminən 3,9 milyard səhm alıblar. Bu qiymətli kağızları 9,9 Hong Kong dolları ilə sataraq sərmayəçilər əhəmiyyətli bir mənfəət almış olurlar, qəzet qeyd edir.
Xiaomi 2018-ci ilin iyul ayında Hong Kong Fond Birjasına təxminən 54 milyard dollar dəyərində qiymətləndirmə ilə daxil olmuşdur, onda hərraclar hər bir səhm üçün 17 Hong Kong dolları ilə başladı. Hal-hazırda Xiaomi-nin bazar kapitallaşması təxminən 264 milyard Hong Kong dolları təşkil edir (33,6 milyard dollar).