Çinin Xiaomi şirkəti fərqli gadget-lər üçün universal “3-ü birində” enerji cihazını hazırlaması barədə elan verib. 18 Vatt gücü olan enerji yuvasından başqa onda quraşdırılmış PowerBank və noutbuk və ya digər elektronika üçün standart enerji mənbəyi çıxıntısı var. Onunla müxtəlif növ gadget-ləri enerji ilə təmin etmək mümkündür.
Bu enerji cihazı məişət elektronikasına qoşulur, korpusunda isə 18 Vatt gücə malik USB Type-C portu, iki USB-A yuvası və müxtəlif elektrik cihazlarına qoşulmaq üçün adi enerji mənbəyi var. Əlavə olaraq cihazda 5000 mAh batareya var – enerji mənbəyi olmayanda gadgetləri PowerBank rejimində enerji ilə təmin etmək olar. Bu cihaz qalan enerjini göstərən LED-indikatoruna malik metal teksturalı korpusla tamamlanıb. Bundan başqa, istehsalçı qeyd edir ki, aksesuarın gərginlik düşküsündən qorunma qabiliyyəti var.
Qiyməti 22 dollar olacaq. Pərakəndə satışa çıxacağı tarix bir qədər sonra elan ediləcək.