Sürətli şarj texnologiyaları mobil telefonların ən önəmli detallarından biri olub artıq. Mobil bazarda rəqabət aparan şirkətlər daima çalışır ki, ən sürətli şarj olan telefonu və texnologiyanı təqdim etsinlər. Bu səfər isə Xiaomi-dən yeni xəbərlər var. Dekabr ayında təqdim edilməsi gözlənilən Redmi K30 sızan məlumatlara görə tək təqdim olunmayacaq. 5G dəstəkli daha 2-3 modelin təqdim olunması gözlənilir.
Çində 3C sertifikatı üçün cihazların qeydiyyatı zamanı Xiaomi tərəfində bir neçə fərqli modelin olacağı aşkarlanıb. Ən əsası isə bu cihazlardan birində 66 Watt sürətli şarj texnologiyası olacaq.
3C sertifikatı zamanı sızdırılan cihazın parametrləri bəlli deyil, lakin əgər dekabr ayında təqdim edilərsə hal-hazırda mövcud olan ən sürətli şarj olan cihaz ünvanına malik olacaq. Cihaz haqqında bilinən digər məlumatlar “M2001J1E” və “M2001J1C” kod adlarında istehsal ediləcəyi və 5G dəstəyinin olacağıdır. Digər tərəfdən aşağıdakı şəkildə görəcəyiniz kimi “M2001J2E” və “M2001J2C” kod adlı modellərdə isə 30 Watt sürətli şarj texnologiyası olacaq.
