10 dekabr 2019-cu il tarixində Bakı Fond Birjasında Maliyyə Nazirliyinin 10 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib.
Hərrac zamanı 11 investor tərəfindən qiymət intervalı 99.4700 AZN (7.7913%) və 101.3071 AZN (6.7900%) olan 18 sifariş təqdim edilib.
Maliyyə Nazirliyinin qərarına əsasən istiqrazların kəsmə qiyməti 100.9182 (7.0000%) orta ölçülmüş qiyməti 101.1216 (6.8900%) müəyyən edilib. Sifarişlərin nominal qiymətlə ümumi məbləği 45 milyon 44 min 300 manat, yerləşdirilmiş həcmi isə 10 milyon təşkil edib.
İstiqrazların ödəmə tarixi 07.12.2021-ci il.
Hərrac iştirakçıları 11 dekabr 2019-ci il (T+1) tarixinədək istiqrazların alışı üzrə öhdəliklərini icra etməlidirlər.