Mənbələrdən əldə edilən məlumata görə, Apple 5G-ni iPhone-a tanıtmaq üçün İntel texnologiyasını almaq istəyir.
Apple İntel-lə smartfonlar üçün 5G-modemlər istehsalı biznesinin alınması ilə bağlı danışıqlar aparır. Bu barədə The Wall Street Journal və Bloomberg xəbər verir. Onların sözünə görə əməliyyat 1 milyard dollar qiymətləndirilir. Danışıqlar baş tutsa tərəflər bu barədə 2019-cu ilin 4 avqustunda elan verəcəklər. Apple və İntel nümayəndələri rəy verməkdən imtina ediblər.
Bu əməliyyatdan Apple gələn xeyir ondan ibarətdir ki, o, smartfona beşinci nəsil əlaqəni (5G) tətbiq etmək üçün İntel texnologiyalarına giriş əldə edə biləcək və bununla da şirkət “işlənib hazırlanma illəri”nə qənaət etmiş olacaq. Bu barədə nəşrdən məlumat verilib. İntel isə 5G texnologiyasının digər cihazlar üçün də işlənib hazırlanmasına qoşulmaqla zərərli istehsaldan qurtula bilər.
WSJ məlumat verir ki, Apple və İntel artıq təxminən bir ildir ki, mütəmadi olaraq danışıqların üstünə qayıdır. 2019-cu ilin aprelində nəşr məlumat verib ki, Apple digər çip istehsalçısı Qualcomm-la razılıq əldə etdikdən sonra danışıqları dayandırıb.