Macarıstanın aşağı büdcəli “Wizzair” şirkəti sentyabrın 10-dan Gürcüstanın Kutaisi şəhərindən 7 yeni istiqamət üzrə birbaşa uçuşlara başlayacaq.
Aviaşirkət Bazel, Kopenhagen, Brüssel, Tallin, Eyndxoven, Bari və Poznan şəhərlərinə mərhələli şəkildə mütəmadi uçuşlar həyata keçirəcək.
Qeyd edək ki, hazırda “Wizzair” Gürcüstandan Avropanın 21 şəhərinə birbaşa reyslər yerinə yetirir. Şirkət qonşu ölkənin Kutaisi şəhərindəki beynəlxalq hava limanında 2012-ci ildən etibarən fəaliyyət göstərir.