Volkswagen Teramont X krossoverini nümayiş etdirib

Date:

Paylaş:

Bu gün Şanxayda keçirilən avtosalonda Volkswagen şirkəti kupeşəkilli Teramont X krossoverini nümayiş etdirib. Yeni kupe-kross keçən il nümayiş etdirilmiş Atlas Cross Sport konseptindən eksteryer və interyerin dəyişdirilmiş tərtibatı ilə fərqlənir. Teramont X modelinin Çindəki satışlarına gələn ay başlanacaqdır. Sonra bənzər model ABŞ-da satışa çıxarılacaqdır.

Volkswagen Teramont X modelində ön fənərlərin, radiator barmaqlığının və bamperin aorması dəyişdirilib. Kuzovun eni boyu uzanan metal zolağı olan arxa hissə tamamilə yenidir. Adi və kupeşəkilli krossoverlərin təkər bazası eynidir, lakin Teramont X adi krossoverdən 131 millimetr qısa, 50 millimetr alçaqdır. 

Salonda isə yeddi deyil, beş yer vardır. Ön panelin tərtibatı da bir qədər fərqlənir. Belə ki, kupe-kross yeni sükan çarxına və iqlim sisteminin sensorlu idarəetmə blokuna sahib olub.  VW Teramont X modelinin təchizatına 10,25-düymlük rəqəmsal cihazlar paneli, 9,2-düymlük displeyi olan multimedia kompleksi və panoram tavan daxildir.

 
 

Teramont X modelinin mühərrik çeşidinə 186 və 220 at qüvvəli 2,0-litrlik turbomühərrik və 299 at qüvvəli 2,5-litrlik V6 mühərriki daxildir. Ötürmələr qutusu yeddi pilləli iki muftalı «robotdur». Ötürmə – öndən və ya tam çəkişli ola bilər.

Kupeşəkilli Teramont X modeli SAIC Volkswagen birgə müəssisəsində istehsal ediləcəkdir. İlk avtomobillər yerli bazarda may ayında satışa çıxacaqdırlar.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...