Daxili Audit departamentinin Baş auditor/Qrup rəhbəri-Kapital Bank

Kapital Bank namizədləri Daxili Audit departamentinin Baş auditor/Qrup rəhbəri vəzifəsinə müraciət etməklə peşəkar komandanın üzvü olmağa dəvət edir.

Əsas vəzifə və öhdəliklər:

• Təsdiq olunmuş İllik Audit Planına əsasən həyata keçirilən audit layihələrinə rəhbərlik etmək;
• Sahəvi, kompleks və tematik audit yoxlamalarının həyata keçirilməsi üzrə planı hazırlanmaq və həyata keçirmək;
• Biznes proseslərin təhlili, qiymətləndirilməsi və optimallaşdırma ilə bağlı təkliflər vermək;
• Daxili audit yoxlamasının nəticələrini dəstəkləyə biləcək məlumatları toplamaq, analiz və şərh etmək, sənədləşdirmək;
• Audit yoxlamasının bütün mərhələlərində Bankın idarəedici əməkdaşları ilə müsahibələr aparmaq;
• Audit layihəsi zamanı təqdim olunan məlumatları icmallaşdırmaq və təhlil etmək, audit olunan sahənin daxili nəzarət sisteminin tamlığı və adekvatlığı barədə rəy formalaşdırmaq;
• Audit layihələrinin həyata keçirilməsi zamanı daxili nəzarət sisteminin mühüm məqamlarını müəyyən etmək, çatışmazlıqların aşkar edilməsi üçün planlaşdırılmış audit prosedurlarını həyata keçirmək;
• Audit yoxlamasında iştirak edən qrup üzvlərinin işinə nəzarət və onların peşəkar inkişafını təmin etmək;
• Audit hesabatlarının hazırlanması və təqdimatını həyata keçirmək.

Əsas tələblər:

• İqtisadiyyat, maliyyə, uçot və audit yönümlü ixtisaslar üzrə ali təhsil və bank sahəsində 4 illik iş təcrübəsi; və ya
• Digər ixtisas üzrə ali təhsil və bank sahəsində 6 illik iş təcrübəsi;
• Müxtəlif peşə (ACCA, CİA, FRM, CFA, və s.) sertifikatlarına malik olmaq və ya mərhələ keçmək arzu olunandır.

Texniki bacarıqlar:

• Bank qanunvericiliyi və fəaliyyəti barədə nəzəri və praktiki biliklər;
• Korporativ idarəetmə, risklərin idarəedilməsi və daxili nəzarət üzrə biliklər;
• Bank əməliyyatları və biznes prosesləri barədə biliklər;
• Analitik düşünmə qabiliyyəti, informasiyanın tənqidi təhlil etmə özəlliyi;
• Fərqli maliyyə alətlərinin işləmə mexanizmləri barədə ümumi bilik;
• Məlumatların toplanması, təhlili və nəticələrin icmallaşdırılması;
• Dil və komputer bilikləri: Azərbaycan dili (mükəmməl), İngilis və Rus dilləri (peşəkar səviyyədə) Microsoft Office və digər proqramlar;
• Fikirlərin Azərbaycan dilində yazılı şəkildə aydın ifadə etmək və hesabat yazmaq qabiliyyəti

Şəxsi keyfiyyətlər:

• Komanda ruhu, təşkilatçılıq, ünsiyyət, münasibətlərin qurulması bacarıqları;
• Şəxsi və peşəkar inkişaf yönümlülük;
• Qərarvermə və problem həlletmə qabiliyyəti.

Üstünlüklər:

• Təcrübəli və peşəkar komandada işləmək imkanı;
• Rəqabətli əmək haqqı;
• Sahə üzrə daxili və xarici təlimlərdə iştirak;

CV-lərinizi, mövzu hissəsində “Daxili Audit departamentinin Baş auditor/Qrup rəhbəri” qeyd etməklə [email protected] e-mail ünvanına göndərə bilərsiniz.