Üzərinizdə powerbank daşımağınıza son qoyacaq startap layihəsi Berizaryad yaradılıb. Bu startap layihəsi daimi telefonla işləyib, enerji cihazını yanında daşımaq məcburiyyətində qalanların işini asanlaşdırır.
Bu barədə Bizplus.az Orxan Əhmədin qeydinə əsasən xəbər verir.
Berizaryad – layihəsi powerbank-ı kirayə verən avtomatlar təklif edir. Proses çox sadədir; qurğuya yaxınlaşaraq mobil tətbiq ilə sistemə qoşulursunuz, sizə kod verilir və kodu daxil edərək, avtomatdan powerbank götürürsünüz. Bu andan etibarən sayğac işə düşür və balansınızdan buna görə pul silinir. Xaricdə şəhər daxilində velosiped kirayə götürmüsünüzsə, sistemin iş prinsipini daha aydın başa düşərsiniz.
Powerbankı oğurlamaq fikrinə düşsəniz, sadəcə bilin ki, sayğac cihaz qaytarılmayanadək işləyir və 10 qat pulunu sizdən alacaqlar. Odur işlədib, istənilən digər aparatda qaytara bilərsiniz. Bir nöqtədən götürdüyünüz cihazı, başqa birində qaytara bilərsiniz. Qurğuları ofislər, kafelər, mall və digər məkanlarda quraşdırmaq olar.