Son illər rəqəmsal mühit dünya üçün yeni ticarət və məlumatları idarəetmə imkanları yaratdığından fərdiləşdirilmiş münasibətlər lider mövqe tutmağa başlayıblar. Marketoloqlar asanlıqla öz auditoriyalarına daha da yaxın ola bilirlər. Bu yaxınlaşma yollarından biri – ümumilikdən kənar, həqiqətən də fərdiləşdirilmiş məhsullar hesabına sadiqliyi artırmaq.
Oracle Corporation araşdırma aparıb və müəyyən edib ki, istehlakçıları daha çox fərdiləşdirilmiş təcrübəni və müştərilərə xidmət keyfiyyətini təmin etmək üçün əlavə səylər göstərən brendlər cəlb edir. Belə ki, millenialların demək olar ki, 20%-i təəssüratlar və müsbət təcrübəyə görə daha çox ödəməyə hazırdırlar, bütün istehlakçılarınsa 68%-i belə hesab edir ki, brendlər zövqlərə uyğunlaşmalı və auditoriyanı nəzərə almalıdırlar.
Məsələn, 2019-cu ilin iyulunda Nike Fit onlayn krossovkalar seçimi funksiyasını işə salır. Skan etdikdən sonrakı bir neçə saniyə ərzində istifadəçi üçün münasib idman ayaqqabısı seçilir. Ölçünü gələcəkdə də alış-veriş üçün NikePlus profilində yaddaşda saxlamq mümkündür. Nike digital-məhsullarını rəhbərinin sözlərinə görə, belə bir addım alış-verişə və bredin özünə inamın artmasına imkan verir, həmçinin, şirkətə məhz müştərilərin istədikləri məhsulları yaratmaqda yardımçı olur.
Öz müştərilərini başa düşmək, onların necə və nə zaman alış-veriş etdiklərini bilmək biznesə sadiqliyi artırmaqda kömək edir. Bügun bu anlaşma emosional bağlılıqdan, inamdan və brendin müştərinin gözləntisini qarşılamaqdan ibarətdir. Biznes üçün daimi gəlir vacibdir, buna da məhz sadiq müştəri zəmanət verir.
Kafedə ofisiantın daimi bir müştərisini adı ilə çağırması fərdiləşdirmə nümunəsidir. Amma “Starbucks” biraz da irəli gedib. Z nəsli (2000-ci ildən sonra dünyaya gələnlər) arasında dünya ilə smartfonlar vasitəsilə qarşılıqlı fəaliyyətdə olanlar üstünlük təşkil etdiyindən şirkət rahat şəkildə elə ayaqüstü içki sifarişi funksiyasını təqdim edib. Xüsusi çat-bot (robot) seçimləri qiymətləndirərək məsləhətlər verir, MyBarista tətbiqi və ya Amazon Alexa vasitəsilə səslə sifarişlər etmək imkanı yaradır, sonra isə müştəriyə sifarişin hazır olması barədə bildiriş göndərir.
Çatda mesajlaşma müştərilərlə şirkətlər arasında da effektiv ünsiyyət kanalına çevrilib. Sosial şəbəkələr hesabına istehlakçılar sərbəst şəkildə öz hisslərini istənilən məzmundan ifadə edə bilirlər.
“Forrester”in son məlumatları onu göstərir ki, emosiyaları rədd etmək olmaz. Əksinə, onlar müştərilərin sadiqliyinin artırılmasında bir açardırlar. Təkcə “Facebook”da gündəlik olaraq 60 milyondan çox smaylik göndərilir və onlar da əsasən altı emosiyanı ifadə edirlər: xoşbəxtlik, qəzəb, nifrət, kədər, qorxu və təəccüb. Reklam hisslərə toxunanda yadda qalır. Düzgün istifadə edildikdə bu, brend üçün inanılmaz güclü alət ola bilər. Bundan artıq bir neçə ildir ki, Coca-Cola, Burger King, Durex kimi şirkətlər və başqaları istifadə edirlər.
Apple”ın iyundakı prezentasiyada təqdim etdiyi yeni iOS 13 və iPadOS funksiyaları fərdiləşdirilmş Memoji yaratmağa imkan verir. Artıq həm heyvan və ya yadplanetli obrazında görünə bilər, həm də unikal iOS-avatar yarada bilərsiniz. Bu rahat qeyri-verbal siqnaldan hər dəfəsində yeni-yeni mənzərələr yaratmaqla və yeni müştərilər cəlb etməklə bir çox tətbiqlərdə istifadə etmək olar.
“Apple Music” də müğənni Ariana Grande-ni Memoji-yə çevirib. Beləcə, şirkət Grammy musiqi mükafatından qabaq ifaçıya dəstək olub. Xiaomi isə hətta öz analoqunun təşviqatı üçün Memoji-dən istifadə edib.
Bu yeniliyin reklam bazarında və marketinq münasibətlərində özünə yer tutacağı dəqiqdir, sadəcə bunun üçün zaman lazımdır.
İstifadəçilər məzmuna fərdiləşdirilmiş Memoji-lərlə səmimi şəkildə cavab verə bilsələr və şirkətlər də öz növbəsində öz qəhrəmanlarını yaratsalar, məhsullarla və brendin özü ilə əlaqə heç vaxt olmadığı qədər güclü olacaq.
İnsanlar birbaşa reklamı sürətlə blok edirlər, ona görə də bugün onun yerini fərdiləşdirilmiş hekayələr tutur. Onlar da müştəri ilə emosional bağlantının gücləndirilməsində heç də az əhəmiyyət daşımırlar, hərçənd belə inteqrasiya brendən tam düzgün strategiya və hədəf auditoriyasını yaxşı tanımanı tələb edir.
Ayrı-ayrı müştəri qruplarının hər birinin öz fərdi tələbatları və davranış özəllikləri olur. Şirkət hekayələr hazırlayarkən, məruzəçi və hekayə platforması seçərkən onları nəzərə almalıdır. Bugün hekayələr müasir marketinqin əsas parametrlərinə yönəldilməlidirlər – bağlılıq, dürüstlük, kreativlik və məlumatın etibarlılığı. Anacq bu halda, hekayələr yaddaqalan və hissləri oyatmağa qadir olurlar.
Bir çox şirkətlər onlara öz müştəriləri tərəfindən inam və sədaqət qazandıran faydalı məzmunu dərc edirlər. Amma Wilton amerikan şirkəti əsl maraqlı hekayələr danışmağı bacarır. Onlar bişirmə prosesinin bacarıq və təlim səviyyəsindən asılı olmayaraq daha əyləncəli və ən əsası sadə ola bilməsini bildirirlər. Şirkət hər bir müştəri kateqoriyası üçün ayrıca məzmun yaradır, qiymət, sonra isə məhsul üzrə məsləhətlər təklif edir.
Bugün məhz çox həssas təcrübələrə diqqət yetirmək vacibdir. Daimi ünsiyyət, texnologiyalar və hisslərin köməyilə brendlər istehlakçılar üçün unudulmaz təcrübə yaradırlar.