Yaponiyanın “Uniqlo” geyim mağazaları şəbəkəsinə sahib olan “Fast Retailing” holdinqinin qurucusu Tadashi Yanai dekabrın 31-i “SoftBank”ın direktorlar şurasından gedəcək. O şəxsi biznesi ilə məşğul olmaq fikrindədir. Tadashi 2001-ci ildən şurada idi.
“The Japan Times” nəşriyyatı bildirir ki, Tadashi Yanai “SoftBank”ın rəhbəri Masayoshi Son-un təkliflərini açıq şəkildə tənqid edə bilən çox az adamlardan biri olub və o getdikdən sonra şurada iki azad direktor qalacaq.
Qeyd edək ki, Tadashi-nin istefası, “SoftBank”ın “WeWork” kovorkinqlər şəbəkəsinin uğursuz birjaya çıxma cəhdinin nəticələri ilə mübarizə apardığı bir vaxtda baş tutacaq.