“Uber” Adomni reklam şirkəti ilə maşınlarda reklam bannerlərinin yerləşdirilməsi ilə bağlı müqavilə imzalayıb. Bunun üçün taksi xidməti yeni Uber OOH Powered by Adomi adlı bölmə yaradıb.
Reklam 2020-ci ilin 1 aprelindən Finiks, Dallas və Atlantadakı Uber maşınlarında görünəcək. Displeyləri təxminən min avtomobildə yerləşdirmək planlaşdırılır. Uber nümayəndəsinin sözlərinə görə, apreldə şirkət pilot proqramını digər şəhərlərdə də tətbiq etməyi düşünür.
Displeylər yeri və vaxtı təhlil edəcək, həmçinin, müəyyən auditoriyaya hədəflənən reklamı göstərəcək. Şirkətdən bildiriblər ki, bütün displeylər bir-biri ilə sinxronlaşdırılacaq.
Avtomobillər “Uber”in özünə aid olmadıqları üçün şirkət onların sürücülərinə displeyə görə 300 dollar və işlək vəziyyətdə displeylə 20 saatdan çox yol gedəcəkləri halda isə həftədə 100 dollar ödəniş edəcək.