Türkiyə ilə Azərbaycan arasında tətbiq olunan viza rejimi sentyabrın 1-dən ləğv ediləcək.
Bunu Türkiyənin xarici işlər naziri Mövlud Çavuşoğlu bildirib.
O, bu il sentyabrın 1-dən etibarən Azərbaycana gələcək Türkiyə vətəndaşlarının viza almayacaqlarını qeyd edib.
Azərbaycan diplomatik mənbələri də məlumatı təsdiqləyib. Bildirilib ki, sentyabrın 1-dən etibarən Türkiyə vətəndaşları Azərbaycana vizasız səfər edə biləcəklər. Türkiyə vətəndaşlarının Azərbaycanda vizasız qalma müddətləri 30 gün müəyyənləşdirilib.
Qeyd edək ki, Türkiyə tərəfi Azərbaycan vətəndaşları viza rejimini təktərəfli şəkildə 2007-ci ildə ləğv edib. Hazırda Azərbaycan vətəndaşlarının da Türkiyədə vizasız qalma müddəti 30 gündür.