Türkiyə holdinqi Azərbaycanda ilk zavodunu açdı – Əlavə $30 milyon yatırmaq istəyir

Date:

Paylaş:

Türkiyədə qaynaq texnologiyaları bazarının əsas payçılarından olan “Gedik Holding” Azərbaycanda ilk zavodunu açıb. Şirkət ölkəmizə 30 milyon dollarlıq sərmayə yatırmaq niyyətindədir.

Bu barədə Türkiyənin “Sabah” qəzeti məlumat yayıb. İxracatdakı payını 15 faizdən 50 faizə qaldıran şirkət Qazax rayonunda inşa edilən “Gedik-Carçı” Elektrod Zavodu ilə xaricə ilk sərmayəsini yatırıb. Holdinqin idarə heyətinin sədri Hülya Gedik bildirib ki, dövriyyənin yarısının xarici əməliyyatlardan gəlməsini hədəfləyiblər.

“Bu ilk xarici yatırımımızdır. 5 milyon dollar maliyyə vəsaiti xərclənən zavodun tutumu 6 min tondur. Satış bazarımız Rusiya və ətraf ölkələr olacaq. Önümüzdəki illərdə satışı bir az da genişləndirəcəyik. Beləliklə, investisiya dəyərinin 30 milyon dollaradək artacağını gözləyirik. Burada yalnız qaynaq elektrodları deyil, həm də digər məhsullar istehsal edəcəyik. Bu ildən texnoloji avadanlıqlar ixracına başlamışıq”, – H. Gedik deyib.

9 min ton tutumlu zavod qaynaq vasitələrini istehsal edəcək. Holdinq tərəfindən istehsal olunan “GeKa” və “GeKaTec” markalı qaynaq vasitələri, “GeKaMac” markalı qaynaq cihazları və “GekaRobot” markası altında avtomatlaşdırılmış sistemlər 80-dən çox ölkəyə ixrac edilir.

Hülya Gedik həmçinin Qazaxda inşa olunan zavodla yanaşı bölgədə genişlənmə planının da olduğunu dilə gətirib. O, bildirib ki, xarici ölkələrə sərmayə qoyuluşu bundan sonra da davam edəcək: “2020-ci ildə və ondan sonrakı illərdə başda Şərqi Avropa olmaqla, ixrac bazarlarında istehsal gücümüzü artırmağı hədəfə almışıq”.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...