Türkiyə hökuməti aztəminatlı ailələrə pul verəcək – İslahatlar paketi

Date:

Paylaş:

“Tədbirlər və iqtisadi dəstək paketləri ilə vətəndaşlarımızı yaranmış böhranın nəticələrindən qorumağa davam edəcəyik”.

“Qafqazinfo” xəbər verir ki, bu sözləri Türkiyə Prezidenti Rəcəb Tayyip Ərdoğan koronovirusla əlaqədar yaradılmış islahatlar paketi ilə bağlı açıqlamasında deyib. İlk gündən bütün imkanlarla vətəndaşın yanında olduqlarını vurğulayan Prezident qeyd edib ki, sosial həyat, sənaye, səhiyyə, ticarət, bank, maliyyə sektorları ilə bağlı qabaqlayıcı tədbirlər planlaşdırılıb. Prezident sözügedən paketlər haqqında ətraflı məlumat verib.

Aşağı gəlirli ailələr üçün 1000 lirəlik dəstək

Sosial paketdə 2 milyon aztəminatlı ailələr üçün 1000 lirə dəstək verilməsi, ən aşağı aylıq təqaüdün 1500 lirəyə qaldırılması, minimum əmək haqqına 7 milyardlıq bir dəstəyin edilməsi, sosial vəqflərə ayrılan büdcənin 180 milyon lirəyə qaldırılması, 80 yaşdan yuxarı vətəndaşların periodik olaraq izlənməsi və bayram ödənişlərinin apreldə verilməsi yer alıb.

Səhiyyə işçilərinə yüksək maaş

Səhiyyə paketində göstərilib ki, tibb işçilərinin 3 ay ərzində ödənişləri yuxarı məbləğlərlə ödəniləcək. 32 min yeni səhiyyə işçisi məşğulluq qazanacaq. Dövlət qurumlarının qonaq evləri bütün tibb işçiləri üçün açıq olacaq. 1 milyon diaqnostika dəsti qısa müddət ərzində istifadəyə veriləcək. Səhiyyə işçiləri ictimai nəqliyyat xidmətlərindən pulsuz istifadə edəcəklər.

Texnoparklardan 2 ay kirayə alınmayacaq

R. T. Ərdoğan sənaye paketinə əsasən texnopark müəssisələrindən 2 ay müddətində kirayə haqqı alınmayacağını açıqlayıb. Bundan başqa, dezinfeksiya maddələri, qoruyucu geyim, maska, eynək istelsal edən firmalara 6 milyon lirə dəstək ayrılıb. 

Bəzi ləvazimatlar üçün gömrük rüsumu alınmayacaq

Ticarət paketinə əsasən tənəffüs cihazları, tibbi maska, etil spirti idxalında gömrük vergisi sıfırlanıb və ixracatçılara maliyyələşdirmə dəstəyi veriləcəyi qeyd edilib.

Kredit kartlarının ödənişi iyun ayına kimi uzadıldı

Son olaraq bank sektorunda ilk 3 ayı ödənişsiz olmaqla 12 aylıq 25 min lirəlik məhdud biznes kartının verilməsi gözlənilir. Bundan başqa, kredit kartı ödənişləri iyunun sonuna qədər təxirə salınacaq. İşçilərin əmək haqqı xərcləri qədər əlavə kredit limiti veriləcək.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...