“Bakı Sığorta” ASC səhmlərinin 12,34%-ni “Toyota Abşeron Center” MMC-yə satıb.
Alqı-satqı 2 mərhələdə baş tutub. Belə ki, 2 oktyabr 2018-ci il tarixində hər birinin dəyəri 760 manat olan 527 ədəd adi adlı səhmin satışı ilə bağlı insayder əqdi bağlanıb. 8 oktyabr 2018-ci il tarixində isə hər birinin dəyəri 760 manat olan 922 ədəd adi adlı səhmin satışı həyata keçirilib.
Əqdlərin ümumi məbləği isə 1 mln. 101 min 240 manat olub və Toyota Abşeron Center” MMC sığorta şirkətində 12,34%-lik paya sahib olub.