Əsas səhifə Xəbərlər Xarici biznes xəbərləri TikTok Rusiyada reklamın satışları üzrə direktor işə götürüb

TikTok Rusiyada reklamın satışları üzrə direktor işə götürüb

616
Paylaş
Stepan Slyusarevi
Stepan Slyusarevi

“ByteDance” şirkətinin sahib olduğu TikTok-un rəhbərliyi Stepan Slyusarevi bu videoservisin Rusiyada reklamın satışları üzrə direktoru olaraq işə götürüb.

Slyusarev öz “Facebook” səhifəsi üzərindən deyib ki, o bu postdakı vəzifəsinə iyun ayından etibarən başlayıb.

Qeyd etmək yerinə düşər ki, o daha əvvəl (2015-2019-ci illər) “Httpool” kompaniyasında anoloji vəzifələr üzrə çalışıb. “Httpool” Twitter, LinkedIn-də reklamın satışları ilə məşğul olur. Onun, həmçinin “Google” və IBM-nin Rusiya bölməsi üzrə iş təcrübəsi var.

Xatırladaq ki, TikTok qısa musiqi klipləri və mesajlaşma mübadiləsi yaratmaq üçün proqramdır. Şirkətin öz məlumatlarına görə, TikTok-da istifadəçilərin sayı 500 milyonu ötür. Onun istifadəçilərinin əsas hissəsi uşaqlar və yeniyetmələrdir. Belə ki, istifadəçilərinin 40%-i məhz 18 yaşdan aşağıdır.

May ayında TikTok-un Rusiya bölməsi üzrə nümayəndəsi demişdi ki, TikTok-u Rusiyada ayda 8 milyon istifadəçi istifadə edir. Hər ay onlar 10 milyard çarxa baxırlar. Brendlər gənclər ilə marketinq kommunikasiyası üçün bu kanaldan istifadə edirlər. Məsələn, “Sberbank” öz məhsullarının təşviqi üçün bu kanalda əyləncəli çarxlar paylaşır.