Prezident Barak Obamanın idarəçiliyi dövründə keçmiş iqtisadi məsləhətçi olan Chad Bown, öz “Twitter” hesabında bildirib ki, Donald Tramp tərəfindən Çinə qarşı başlanan ticarət müharibəsi gözlənilməz nəticələrə gətirib çıxarıb.
Onun məlumatına əsasən, Çin amerikan məhsullarına olan tarifləri artırır , lakin digər qalan ölkələrdən olan məhsullara isə azaldır. Əgər 2018-ci ilin yanvar ayı üçün Çində Amerika və digər ölkə mallarına tariflər orta hesabla 8%-i göstərirdisə, 2019-cu ilin iyununda onlar ABŞ-a nəzərən 20,7%, digər ölkələr üçün isə 6,7% olmuşdur.