Rus ekspertləri smartfonların düzgün qaydada elektrik cərəyanına qoşulmasının 4 sirrini bölüşüblər. Onların məsləhətlərinə əməl etməklə gadgetin işləmə müddətini artırmaq mümkündür.
Tövsiyələr ilk öncə köhnə və ucuz mobil cihaz istifadəçilərinə ünvanlanır.
Belə ki, mütəxəssislər bildirirlər ki, telefonu gecə enerjiyə taxmaq olmaz, çünki, bütün gecə boyu şəbəkəyə qoşulu qalması cihazı yandıra bilər.
Həmçinin , maşında olarkən mühərriki işə salmazdan qabaq smartfonu enerjiyə qoşmaq olmaz. Bu zaman əmələ gələn gərginlik yükü mobil cihazı sıradan çıxara bilər.
Bundan başqa, ekspertlər, enerji yığdığı zaman telefonda “ağır” tətbiqlərdən istifadə etməməyi məsləhət görürlər.
Telefona keyfiyyətsiz və zədəli enerji cihazları da zərər yetirə bilər.
Son olaraq mütəxəssislər xatırladırlar ki, enerjinin uzunmüddətli olması üçün telefonun ekran işığının parlaqlığını azaltmaq və fon rejimində olan tətbiqləri bağlamaq lazımdır.