“Samsung” qeyri-adi ucuz smartfon hazırlayır

Date:

Paylaş:

“Samsung” şirkəti tezliklə Galaxy A seriyasının yeni Galaxy A01 büdcə modelini təqdim edəcək. Bu gadget artıq ilk sertifikatlarını alıb.

Galaxy A01 barədə söz-söhbətlər ilk dəfə təxminən iki ay bundan qabaq çıxmışdı. Həmin vaxt cihazın bəzi xarakteristikaları Geekbench sınaq məlumatları bazasında və hind insayderi hesabatında açıqlanmışdı. Orada deyilirdi ki, cihaz Galaxy A5 kimi satılacaq. Bençmark Geekbench açıqlayıb ki, içərisində Snapdragon prosesoru olacaq.

Galaxy A01 – daha bir “Samsung ODM” telefonudur. Bunlar Samsung brendindən istifadə edib amma digər bir şirkət tərəfindən istehsal edilən gadgetlərdir. Belə ki, Galaxy A01 modeli Huaqin Telecom şirkəti tərəfindən istehsal edilir.

“Samsung ODM” telefonlarının qarşısında duran tapşırıq istehsal xərclərini azaltmaq və daha aşağı qiymətə cihaz təklif etməkdir. Amma Galaxy A01-in bazara hansı qiymətlə çıxacağı məlum deyil.

FCC sertifikasiyası göstərir ki, cihaz 3000 mAh batareyaya və iki arxa kameraya malikdir. Sınaqlar isə ancaq 2 GB əməli və 16 Gb daimi yaddaş qeydə alıb. Əvvəlki hesabata müvafiq olaraq onun 5,7 dyümlük ekranı var.

Qeyd edək ki, rəsmi buraxılış bir neçə aydan sonra olacaq və o, mavi, qara və qırmızı rənglərdə təqdim ediləcək, hərçənd rəng variantları dəyişə bilər.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...