Azərbaycanda fəaliyyət göstərən sahibkarlar və iş adamları Rusiyanın Kislovodsk şəhərində keçirilən beynəlxalq forumda iştiraka dəvət olunurlar.
Azərbaycanda İxracın və İnvestisiyaların Təşviqi Fondundan bildiriblər ki, oktyabrın 13-də Kislovodskda “Molodoye vino” IV Beynəlxalq forumu keçiriləcək.
Forum şərabçılıqla məşğul olan təşkilatlara və Stavropol diyarının kəndli (fermer) təsərrüfatlarına öz potensialını nümayiş etdirməyə, Stavropol ərazisində istehsal olunan şərabçılıq məhsullarının rəqabətqabiliyyətliliyini və istehsal həcmini artırmağa, eləcə də hazır şərab məhsullarının keyfiyyətini yaxşılaşdırmağa imkanı verəcək.