Azərbaycanda fəaliyyət göstərən sahibkarlar və iş adamları Çində keçiriləcək əmtəə yarmarkasına dəvət olunurlar.
Azərbaycanda İxracın və İnvestisiyaların Təşviqi Fondundan (AZPROMO) AZƏRTAC-a bildiriblər ki, oktyabrın 21-də Çinin İvu şəhərində XXIII “Beynəlxalq Çin İvu Əmtəə” yarmarkası keçiriləcək. Yarmarka oktyabrın 25-dək davam edəcək.
Qeyd edək ki, 1995-ci ildən başlayaraq İvu şəhərində keçirilən yarmarka Çinin ən böyük yarmarkalarından biri hesab olunur.