Azərbaycan Respublikasının Prezidenti yanında Gənclər Fondunun maliyyə dəstəyi və “ASAN Könüllüləri” Təşkilatının təşkilatçılığı ilə “Sətiraltı” proqramı start götürür. Layihənin əsas məqsədi gənclərə oxumağın sadəcə sətirlərdə qeyd olunanları öyrənməkdən ibarət olmadığını, sətirlərin altında gizlənən əsas elmin, biliyin onların bütün həyatlarını formalaşdırdığını, dəyişdiyini ifadə etməkdir. Layihə gənclərin natiqlik qabiliyyətinin inkişafıyla onların toplumda özlərini ifadə bacarıqlarını artıracaqdır.
Qeyd edək ki, layihə çərçivəsində öz həyatında uğur qazanmış Azərbaycan gəncləri və rəsmiləri ilə video-reportaj hazırlanacaq və sosial şəbəkələrdə paylaşılacaq.