Əsas səhifə Xəbərlər Yerli biznes xəbərləri Rövnəq Abdullayev:”Türkiyədən qayıtmış mütəxəssislərimiz yeni şirkətdə işə alınacaqlar”

Rövnəq Abdullayev:”Türkiyədən qayıtmış mütəxəssislərimiz yeni şirkətdə işə alınacaqlar”

33
Paylaş

“Bizim Türkiyədən qayıtmış mütəxəssislər həmin şirkətdə işə götürüləcək və onların yerinə yeni gənclərimiz STAR-a təcrübə keçmək üçün göndəriləcək.”

“Bu gün təcrübə mübadiləmiz bizim ən gözəl nəticələr verən təşəbbüslərimizdən biridir. PETKİM-də bizim gənclərin Türkiyədə olan müəssisələrimizə işləmə imkanları yaradılması zavodlarımızda iş mədəniyyətinin artırılmasına böyük təkan verdi”.

Bu sözləri SOCAR prezidenti Rövnəq Abdullayev gənclərlə görüşündə bildirib.

SOCAR prezidenti qeyd edib ki, mübadilə davam edir. Heydər Əliyev adına Neft Emalı Zavodundan artıq 30 nəfərə yaxın adam Petkim-də və STAR-da çalışır və bu davam edəcək:

“Biz artıq modernizasiya layihəsi çərçivəsində orada işləyənləri, təcrübə yığmış yüksək səviyyəli mütəxəssislərimizi geri qaytaracağıq. Zavodun gənc işçiləri bilməlidir ki, “SOCAR DOWNSTREAM” adlı şirkət yaratmışıq. Həmin şirkət modernizasiya və yeni qurğuların işlənməsini həyata keçirəcək. Bizim Türkiyədən qayıtmış mütəxəssislər həmin şirkətdə işə götürüləcək və onların yerinə yeni gənclərimiz STAR-a təcrübə keçmək üçün göndəriləcək. Biz bu qurğularda işləmək üçün indidən kadr hazırlığına başlamışıq. Sizi təcrübə üçün Türkiyəyə işləməyə göndərəcəyik”.