Land Rover şirkətinin Special Vehicle Operations (SVO) bölməsi Range Rover modelinin avstronavtlar üçün hazırlanmış versiyasını təqdim edib. Bu seriyadan olan avtomobilləri milyarder Riçard Brensona məxsus olan özəl Virgin Galactic şirkəti ilə müqavilə imzalamış kosmik turistlər əldə edə bilərlər.
Range Rover Astronaut Edition eksteryer və interyerin unikal tərtibatı ilə seçilir. Avtomobilin kuzovunun boyanması üçün gecə səmasından ilham alınaraq yaradılmış Zero Gravity Blue mavi rəngindən istifadə edilir. Kosmik mövzunu emblemlər və qapıətraflı məkanın Virgin Galactic kosmik gəmisinin silueti ilə işıqlandırması davam etdirir.
Ofrouderin salonunda da kosmik mövzuta rast gəlmək olar. Belə ki, mərkəzi konsoldakı stəkanaltılarda Virgin Spaceship Unity gəmisinin oturma dayaqlarından hazırlanmış iki disk yerləşdirilib. Onlara Brensonun “See you up there” (“Yuxarıda görüşərik”) sözləri həkk edilib. Avtomobilin sahibi kosmosa uçduqdan sonra, ikinci disk ağacdan hazırlanmış variantla əvəz ediləcəkdir. Bu diskdə avtomobil sahibinin uçuşu barədə spesifik məlumat həkk ediləcəkdir.
Eyni zamanda, mərkəzi tonnelin karbon panelinə və arxa dirsəkaltına DAN of Flight şəkili həkk edilibdir. Oturacaq başlıqlarında kosmik gəminin sileuti vulurmuş, qapıların alüminium dəstəklərinə gələcək avstronatların cəmiyyətinin firma bürcü ilə bəzədilmişdir.
Range Rover Astronaut Edition P400e hibrid odrouderinin bazasında inşa edilib. Range Rover P400e modelinin güc qurğusunun tərkibinə 300 at qüvvəli 2,0-litrlik turbomühərrik, 116 at qüvvəli elektromotor, səkkiz pilləli ZF avtomatik ötürmələr qutusu və döşəmənin altında yerləşdirilən 13,1 kilovat-saatlıq litium-ion batareyalar dəsti daxildir. Hibrid qurğu 404 at qüvvəsi və 640 Nm fırlanma anı hasil edir.