Şirkət bildirib ki, təchizatçılar Android Q əməliyyat sisteminin yenilənməsinə hazırlaşırlar.
“OnePlus 7 Pro” smartfonalrının bəzi istifadəçiləri öz Twitter hesablarında iki push-bildiriş almaları barədə məlumat veriblər. İsmarıc təsadüfi şəkildə yazılmış latın hərflərindən və çin heroqliflərindən ibarət olub və “Xa-xa-xa” kimi tərcümə edilib.
“OnePlus”da bunu təsdiqləyiblər və bildiriblər ki, OxygenOS komandası bəzi istifadəçilərə, daxili sınaq zamanı təsadüfi səhv nəticəsində bu ismarıcı göndərib. Şirkət öz bloqunda da vurğulayıb ki, bu Android Q əməliyyat sisteminin yenilənməsi ilə bağlı bir test zamanı baş verib.
Şirkət istifadəçilərdən üzr istəyib və hadisənin, onların şəxsi məlumatlarının təhlükəsizliyinə heç bir zərəri olmayacağını bildirib. Nə qədər OnePlus 7 Pro istifadəçisinin bu səhvlə üzləşdiyi məlum deyil.