Nağdsız ödənişlər üzük vasitəsilə həyata keçiriləcək

Date:

Paylaş:

İqtisadi İslahatların Təhlili və Kommunikasiya Mərkəzinin operatoru olduğu www.azexport.az internet portalı “Pay Ring” layihəsinin icrasına başlayıb. Portal bu layihənin icrasına Prezident İlham Əliyevin Sərəncamı ilə təsdiq edilən  “2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” nda müəyyən olunan başlıca hədəfləri əsas götürərək başlayıb.

“Pay Ring” – nağdsız ödənişlərin müasir simsiz “NFC (Near Field Communication)” rabitə sistemlərindən istifadə etməklə üzük vasitəsi ilə həyata keçirilməsi prosesidir.

Azexport portalının meneceri Ayxan Qədəşov bildirir ki, ölkə iqtisadiyyatında nağdsız ödənişlərin stimullaşdırılması və şəffaflığın artırılmasına yönələn “Pay Ring” layihəsinin iş prinsipi “NFC” sistemi ilə işləyən plastik kartlarla eynidir. Qurğunu plastik kartlardan fərqləndirən əsas üstünlüklər isə aşağıdakılardır:

  • Ödənişlərin həyata keçirilməsi üçün plastik kart və ya mobil telefona ehtiyacın olmaması;
  •  “Token” sistemi vasitəsi ilə yüksək təhlükəsizliyin təmin olunması;
  • Qurğunun üzərində istifadəçiyə aid bank məlumatlarının yazılı olmaması kibercinayətkarlıq hallarının minimuma endirməsi;
  • Bir milyondan artıq ödəniş əməliyyatlarının həyata keçirilməsi imkanı;
  • Qurğunun 10 il zəmanətli olması;
  • Qurğunun səthinin zərbələrə və suya davamlı olması;
  • Qurğunun kiçik həcmli olması;
  • Görünüşünün müasir dəbli olması.  Portal meneceri əlavə edir ki, qurğu tam müstəqil və enerjidən asılı olmadığı üçün mobil telefon və ya əlavə avadanlığa ehtiyac yoxdur: “İstifadəçiyə aid olan bank məlumatları qurğuya bir dəfə köçürülür və hesabın artırılması üçün təkrar olaraq qurğuda yeni əməliyyatların aparılmasına ehtiyac yoxdur.”

Qeyd edək ki, www.azexport.az internet portalı “Pay Ring” rəqəmsal ödəniş sistemi layihəsini “VISA International” şirkəti ilə birgə icra edəcək.

Oxşar yazılar

5 günə biznes qurmaq… – MÜSAHİBƏ

"İş Qurdu" layihəsinin növbəti qonağı "Ninja Kids Club"un təsisçisi Həvva xanım olub. https://www.youtube.com/watch?v=YxRFfsHEV-A&ab_channel=Maffinagency

“Evimi satıb işçilərin maaşını verdim” – MÜSAHİBƏ

"İş qurdu" komandası olaraq Şəki sakini "Qinyatogulları" arıçılıq təsərrüfatının sahibi Lətif Qinyətoğlunun qonağı olduq. Lətif bəy bizə arıçılıq biznesini...

Naxçıvanda yeni qeydiyyata alınmış hüquqi şəxslərin sayı 36 dəfə artıb

Bu ilin yanvar-mart aylarında Naxçıvan MR-da 1 441 yeni vergi ödəyicisi qeydiyyata alınıb. Bu barədə İqtisadiyyat Nazirliyi yanında Dövlət...

Azərbaycanda bu il mehmanxanalar 86.6 faiz istifadəsiz qalıb

2023-cü ilin yanvar-mart aylarında mehmanxana (hotel) və mehmanxana tipli obyektlərdə keçirilmiş gecələmələrin sayı 2022-ci ilin eyni dövrü ilə...