Bir qrup vətəndaş Azərbaycan əsilli məşhur Rusiya milyarderi Fərhad Əhmədovun onlara borclu olduğunu iddia edir.
“Bizplus.az” xəbər verir ki, video-müraciət edən şəxslərin sözləinə görə, onlar Fərhad Əhmədova məxsus daşınmaz əmlak sahəsinə işləyiblər.
“2017-ci ilin noyabr ayından 2019-cu ilin aprel ayına kimi Göyçay və İsmayıllı rayonlarının ararsında yerləşən, Yekəxana su anbarını da əhatə edən “KƏND” MMC-nin ərazisindəki Fərhad Əhmədova məxsus malikanədə tikinti-quraşdırma, mebel və dekorasiya işlərinin həyata keçirilməsində təşkilatçılıq və digər işləri həyata keçirmişik. Bir ilə yaxındır işlərin yekunlaşmasına baxmayaraq Fərhad Əhmədov görülmüş işlərə görə əmək haqqı qalıqlarını ödəməyib. Dəfələrlə özünün şəxsi elektron ünvanına və onun işlərini həyata keçirən şəxslərə müraciət etməyimizə baxmayaraq onlarla insanın zəhmət haqları ödənməmiş olaraq qalır”,-deyə müraciətdə bildirilib.