Xüsusilə xaricdə müvəffəqiyyət əldə etmək yeni başlayan sahibkar üçün böyük bir zəfərdir. Polina Raigorodskayanın hələ 25 yaşdadır ancaq artıq öz şirkəti, işçiləri var və bu şirkəti ABŞ-da idarə edir. Polina Rusiyada anadan olub, lakin 4 yaşında o, ailəsi ilə qaçqın kimi ABŞ-a köçüb. Təəccüblü deyilki, uşaq üçün bu cür radikal dəyişiklik çox əhəmiyyətli olub. Polina etiraf edirki, ilk zamanlar yad öləkədə özünü qəribə hiss edirdi ancaq sonradan qorxularını və maneələrini aradan qaldırmaq üçün özündə güc tapa bilib.
16 yaşında New York Moda Həftəsində model kimi iştirak edib, sonralar isə reklamlara çəkilməyə başlayıb. Biznes ixtisası üzrə təhsil aldıqdan sonra PR şirkətində işləməyə başlayıb.
Onun həyatında yeni mərhələ isə Wanderu şirkətidir. İstənilən nəqliyyat vasitəsi üçün bilet ala biləcəyiniz bir platforma. O dövrdə hər bir nəqliyyat şirkətinin öz bilet satış sistemi və saytı var idi. Polina işə məktəbdən tanış olduğu İqor Bratnikovla başlayıb.
Şirkət Boston şəhərində 2011-ci ildə yaradılıb və 2 il sonra Wanderu tam hüquqlu bir layihə olaraq davam edib. Saytın əsas işi səyahəti asanlaşdırmaq, istənilən nəqliyyat şirkətinin və istənilən nəqliyyat növünün biletini asanlıqla bir platformadan əldə etməkdir.
Bütün start-uplar kimi, Wanderunun da öz çətinlikləri və problemləri var idi. İlk növbədə, Raigorodskaya layihənin məlumat toplanması problemi ilə üzləşdi. Polina daşıyıcıların marşrutları barədə məlumatı tələb etdi. Şirkətlərlə razılaşmaq çətin idi, çünki bir çox şirkət eyni saytda rəqibləri ilə birlikdə işləmək istəmirdi. Polina ilk problemin həllini tapmışdı. O, çox çətin bir taktika seçdi: şirkət rəhbərləri ilə görüşməkdən ötrü, öz bloqu üçün bir müsahibə vermələrini istədi. Beləliklə, o, qərar qəbul edənlərə çıxış əldə etdi və söhbət zamanı layihəsinin təqdimatını etdi. Jurnalistika Amerikalı iş adamlarına çoxlu qapıları açmasına kömək edir. Bu mərhələdə ilk investorlar cəlb edildi və onlarla birlikdə 2.45 milyon dollar sərmayə qoydu. Bu vəsait vacib rol oynadı və lokal səviyyədə şirkətlərlə danışıqlar aparmağa kömək etdi.
Çətinliklər bir də platforma yaratmağın texniki tərəfi ilə ortaya çıxdı. Mürəkkəblik və həcmdə fərqlənən ümumi məlumat bazası, bir sıra maliyyə problemlərini yaradan əhəmiyyətli investisiyalar tələb edirdi ki, ilk fond bu məqsədlər üçün demək olar ki, tamamilə xərclənmişdi. Buna baxmayaraq, bir müddətdən sonra bir neçə cəhddən sonra Raigorodskaya 5,6 milyon dollar məbləğində əlavə vəsait cəlb edə bildi və bu, bütün texniki çətinlikləri həll etməyə imkan verdi. Yeni investisiyaların axtarışı zamanı Polina mühüm bir dərs öyrəndi: mənfəət prioritet olmalıdır.
Hazırda şirkət uğurla fəaliyyət göstərir və mənfəət gətirir, illik gəliri təxminən 100 milyon dolları, bilet satışları isə 1 milyard dolları aşır. 2014-cü ildə şirkət böyüyüb, hazırda Şimali Amerikada, eləcə də Avropada fəaliyyət göstərir. 28 nəfərlik heyətlə çalışan şirkət, bərə, dəmir yolu və avtobus şirkətləri də daxil olmaqla, üç yüzdən çox tərəfdaşına malikdir. Wanderu şübhəsiz uğur qazanır və tezliklə Expedia və Kayak kimi şirkətlərlərlə rəqabətə girəcək.