Amerikanın “Maven” şirkəti özəl səhmdarlardan və şirkətlərdən 45 mln. dollar cəlb edib. Bu barədə TechCrunch yazır.
Özəl səhmdarlar sırasında aktrisalar Mindi Kallen, Natali Portman, 23andMe biotexnologiya startapının təsisçisi və başqaları da var. Səhmdar şirkətlər arasında isə Icon Ventures, Sequoa Capital-ın adları çəkilir. Yarandığı 2014-cü ildən bəri startap 87,3 mln. dollar cəlb edib.
Qeyd edək ki, “Maven” tibb bacıları axtarışından tutmuş telesəhiyyə və daşıyıcı anaya kimi müxtəlif xidmətlər təklif edir.
Startapın yaradıcısı Rayder övladı olacaq və ya artıq övladı olan anaların problemlərini görərək tətbiq vasitəsilə peşəkarları cəlb etməklə həmin qadınlara yardım əlini uzatmaq qərarına gəlir. Tətbiqdə hər bir həkimin təcrübəsi də qeyd olunan profili var – tətbiqdə onlarn onlayn-qəbuluna yazılmaq mümkündür.
Saytlarında deyilir ki, tətbiq 30 dili dəstəkləyir. Startapın 1700 tərəfdaşı var, o, 5 milyon ailəyə xidmət göstərir.