Cirque du Soleil-in qurucusu Guy Laliberté Fransa Polineziyasında saxlanılıb. Le Figaro xəbər verir ki, o, öz şəxsi adasında marixuana əkib-becərməkdə təqsirləndirilib. Vəkili isə onun otu tibbi məqsədlər üçün istifadə etməsi barədə məlumatı təsdiqləyib.
Bir neçə həftə bundan əvvəl Laliberté-nin qohumu saxlanılıb və onun üzərindən narkotik götürülüb. Telefonunda isə sirkin qurucusunun plantasiyasının şəkilləri aşkarlanıb.
Laliberté-nin özünü isə təyyarədə həbs ediblər. Onun marixuananı yayıb-yaymaması araşdırılır.
Qeyd edək ki, sözügedən iş adamı əvvəllər Kanadada tibbi marixuanaya yatırım edib. Marixuana ölkədə 2018-ci ilin oktyabrında qanuniləşib.