Dünyanın ən varlı qadınlarından biri, “Amazon” şirkətinin rəhbəri Ceff Bezosun keçmiş xanımı Makkenzi öz sərvətinin yarısını xeyriyyə məqsədlərinə sərf etmək niyyətindədir.
Makkenzi bu barədə danışarkən bildirib ki, “onun xeyriyyəçiliyə və gələcəyə yanaşma tərzi mənalı olacaq”.
“Mənim sayagəlməz dərəcədə çoxlu pulum var və onu bölüşə bilərəm”, – deyə “Bloomberg” onun sözlərindən sitat gətirib.
Qeyd edək ki, C.Bezosla boşandıqdan sonra Makkenzi “Amazon”un 75%-ni keçmiş ərinə güzəştə gedərək, 25% səhmlə kifayətlənməli olub. Onun sərvətinin hazırda 37 milyard dollar olduğu deyilir.