“Unilever”ə daxil olan Pond’s brendi kişilər haqqında klişəni lağa qoyub. Reklam çarxının hazırlanmasında “Ogilvy Singapore” agentliyi iştirak edib.
Bu haqda “The Drum” nəşri yazıb.
Bütün video çarx boyunca iki nəfər bir-birinə yumruq vurur. Onlardan biri iri “alfa-ərkək” (güclü və lider xüsusiyyətləri ilə fərqlənən -red.) digəri isə gənc və arıq oğlandır. Videonun sonunda hamının gözlədiyinin əksinə, arıq olan oğlan qalib gəlir. Qələbənin səbəbi onun üzü üçün istifadə etdiyi dəriyə qulluq vasitəsi göstərilir.
“Ogilvy Singapore”un kreativ direktoru “The Drum” nəşrinə deyib ki, onlar qəsdən belə konseptdən istifadə ediblər. Kişilər heç də alfa-ərkək olmağa can atmırlar.
Qeyd etmək yerinə düşər, daha əvvəl dəriyə qulluq vasitələrinin istehsalçı “Gillette” transgenderin iştirakı ilə reklam filmi çəkmişdi. Şirkət bununla gender bərabərsizliyi probleminə diqqət çəkmək istəyirdi.