Azərbaycanın “My Food” MMC şirkəti Belarusun “Morozproduct” şirkətinin rəsmi distirbütoru statusunu alıb.
Tərəfdaşlıq çərçivəsində Azərbaycan bazarında “Morozproduct” şirkətinin yüksək keyfiyyətli dondurmalarının satışı təşkil olunacaqdır. İlk növbədə satışa 30-a yaxın çeşiddə Belarus dondurmaları çıxarılacaqdır.
Şirkətdən qeyd edildi ki, Belarus dondurmalarının qiymətləri münasibdir. Cəmi 1 manata əsl dondurmanı yemək mümkün olacaqdır.
May ayının 1-dən etibarən əfsanəvi Belarus dondurmalarını Azərbaycan marketlərində satışı başlayacaqdır.
Hazırda “Morozproduct” dondurma və dondurulmuş yarımfabrikat məhsullarının Belarus bazarında liderdir. 750-dən çox işçisi olan şirkət, mütəmadi olaraq yeni innovasiyaları məhsullarının istehsalında tətbiq edir. Şirkət dondurmadan başqa dondurulmuş məhsulların geniş spektrini tədarük edir: Ət və balıq yarımfabrikat məhsulları, çörək, tərəvəz və giləmeyvələr və s. “Morozproduct” Belarusda və xaricdə öz şəbəkəsini genişləndirir.
Qeyd edək ki, Azərbaycan və Belarus arasında iqtisadi əlaqələr ildən-ilə güclənir. Azərbayacanın “My Food” MMC şirkətinin Belarusun “Morozproduct” şirkətilə əməkdaşlığa başlaması əlaqələrin daha da güclənməsinə növbəti töhfədir.
