Şəbəkələr, “Facebook” şirkətinin növbəti il öz kriptovalyutasını buraxması planları barədə xəbər veriblər. Bildirilir ki, 12 dövləti əhatə edən yeni ödəmə şəbəkəsi 2020-ci ilin birinci rübündə geri dönəcək. GlobalCoin adlı bu kriptovalyuta 2019-cu ilin sonunda testdən keçiriləcək.
Gözlənilir ki,Facebook-un planları barədə daha ətraflı məlumat bu ilin yayında verilsin.Hal-hazırda isə şirkət nümayəndələri İngiltərə Bankı və ABŞ-ın maliyyə Nazirliyi ilə tənzimləmə məsələləri ilə əlaqədar məsləhətləşmələr aparırlar. Həmçinin, pul köçürmələri ilə məşğul olan şirkətlərlə, eyni zamanda Western Union-la da danışıqlar aparılır. Bu ondan xəbər verir ki, şirkət bank hesabı olmayan müştərilər üçün sürətli və əlverişli pul göndərişləri həyata keçirməyin yollarını axtarr.
Ödəmə şəbəkəsinin yaradılması və şəxsi kriptovalyutanın buraxılması layihəsi Libra kodlu adını daşıyır. Onun reallaşması barədə ilk elan keçən ilin dekabrında verilib.Yeni ödəmə sistemi insanlara beynəlxalq valyutanı kriptovalyutaya dəyişməyə imkan verəcək. Qarşıya qoyulmuş tapşırırqların icrası üzrə asossiasiya yaxın vaxtlarda İsveçrədə təşkil ediləcək.
Mütəxəssislər “Facebook”-un bu ideyasının nə dərəcədə uğurlu alınacağı barədə fikirlər irəli sürürlər. Məsələn, Londonun iqtisad məktəbinin araşdırmaçısı Garrick Hileman belə hesab edir ki,GlobalCoin-in yaradılması bütöv qısa kriptovalyuta tarixində ən vacib hadisələrdən biri ola bilər.Bəzi məlumatlara görə hal-hazırda bütün dünya üzrə 30 milyon insan kriptovalyutadan istifadə edir.